සමස්ත ලංකා බෞද්ධ ශිෂ්‍ය සමිති සම්මේලනය

අප්පමාදේන සම්පාදේථ

සමස්ත ලංකා බෞද්ධ ශිෂ්‍ය සමිති සම්මේලනය

380, බෞද්ධාලෝක මාවත,

කොළඹ 07.

 

1 ඉතිහාසය

 

1:1 මූලය

ශ්‍රී සම්බුද්ධ වර්ෂ 2500 බුද්ධ ජයන්ති සැමරුම් මෙහොත හා සමගාමීව ශ්‍රී ලංකාවේ බෞද්ධ

කටයුතු පිළිබඳව සොයා බැලීමට රජය විසින් පත් කල ආචාර්ය ආනන්ද ගුරුගේ මැතිතුමාගේ ප්‍රධානත්වයෙන්

යුතු බුද්ධ ජයන්ති කමිටුව බෞද්ධ ශිෂ්‍ය සංවිධානයක අවශ්‍යතාව සාකච්ඡා කරන ලදුව, පසුව ආරම්භයක් ලෙස

නියාමක ශිෂ්‍ය කමිටුවක් පත් කරන ලදි.

1:2 ආරම්භය

ප්‍රථම මහා සභාව 1956 ජුලි 19 දින කොළඹ රාජකීය විද්‍යාලයීය ශාලාවේදී පවත්වා සමස්ත ලංකා බෞද්ධ

ශිෂ්‍ය සමිති සම්මේලනය ආරම්භ කරන ලදි.

මුලසුන අති පූජ්‍ය කළුකොඳයාවේ පඤ්ඤාසේකර නාහිමිපාණෝ.

 

සහභාගී වූ බොදු සිසු සමිති 13 කි.

නීති විද්‍යාලය, ශ්‍රී ලංකා විශ්ව විද්‍යලය (කොළඹ, පේරාදෙනිය, වෛද්‍ය), ලංකා කාර්මික විද්‍යාලය, ගුරු අභ්‍යාස විද්‍යාලය, රාජකීය, ආනන්ද, නාලන්දා, අනුලා, විශාඛා, පන්සල පාර බාලිකා (වර්තමාන ගෝතමි බාලිකා), තර්ස්ටන්, කාසල් (වර්තමාන දේවී බාලිකා) හැව්ලොක් ටවුන් (වර්තමානය ලුම්බිනි විද්‍යාලය) යන විද්‍යාල

 

විශේෂ ආරාධිතයින්

පූජ්‍ය හේන්පිටගෙදර ඤාණසීහ නාහිමි.

පූජ්‍ය නාරද ස්වාමීන් වහන්සේ.

එවකට සංස්කෘතික අමාත්‍ය  ගරු ජයවීර කුරුප්පු මහතා.

සංස්කෘතික අධ්‍යක්ෂ එන්. කිව්. දියෙස් මහතා.

 

නීති විද්‍යාලයීය බෞද්ධ සංගමයේ ප්‍රධාන සභාපති ගොඩ්වින් රත්නායක ප්‍රථම සභාපති ලෙස ද,  ප්‍රධාන ලේකම් ලෙස කේ. ධර්මදාස තෝරා පත්කර ගැනුණි.

 

(අ) ප්‍රථමයෙන් සංස්කෘතික අමාත්‍යංශයේ අධ්‍යක්ෂතුමාගේ කාර්යාල කොටසක පවත්වාගෙන යන ලදි.

සමුළු ස්වාධීනත්වය සඳහා ඉන් ඉවත්විය.

(ආ) පසුව කොළඹ 07 ගිල්ෆ්‍රඩ් ක්‍රෙසන්ට් හි ස්නානි නිවසේ කටයුතු කරන ලදි.

(මෙහි දි පහසුකම් වෙනුවෙන් රු 5000/= ක මුදලක් සංස්කෘතික දෙපාර්ථමේන්තුව ගෙවූ අතර, වාහන

හා තැපැල් පහසුකම්ද සපයන ලදි.)

(ඇ) පසුව සමස්ත ලංකා බෞද්ධ මහා සම්මේලනයේ කාමරයක කාර්යාලීය කටයුතු පවත්වාගෙන යන ලදි.

(ඈ) අනතුරුව බෞද්ධ මහා සම්මේලනයෙන් ලද අවසරය මත බෞද්ධ මහා සම්මේලන ශාලාවට පසෙකින්

වූ වෙනම කුටියක කාර්යාලීය කටයුතු ඉඩ පහසුකම් සහිතව පවත්වා ගෙන යන ලදී.

(ඉ) 2001 වසරේ මැද භාගයේ පටන් බෞද්ධ මහා සම්මේලනයේ උඩු මහලේ කාමරයක් කාර්යාලීය කටයුතු සඳහා යොදා ගන්නා ලදී..

(ඊ) 2023 සිට බෞද්ධ මහා සම්මේලනයේ ප්‍රධාන ශාලාවට පසෙකින් කාමර දෙකක් සහ කමිටු කාමරයකින් සමන්විත කාර්හාලීය පරිශ්‍රයක මූලස්ථානය පවත්වාගෙන යනු ලැබේ.

 

2 පරමාර්ථ

 

(i) බෞද්ධ ශිෂ්‍යයන් අතර අන්‍යෝන්‍ය සුහදත්වය හා අවබෝධය වර්ධනය කිරීම.

(ii) බෞද්ධ ධර්මය හැදෑරිමත් ධර්මානුකූල ප්‍රතිපත්ති වර්ධනය කිරීම හා බෞද්ධ ධර්මය ප්‍රචාරය කිරීමට ඉඩ ප්‍රස්ථා

වැඩි දියුණු කිරීම.

(iii) ආගමික හා සමාජ සේවා ක්ෂේත්‍රයෙන් රටට වැඩදායී සේවාවක් ඉටු කිරීමට ශිෂ්‍ය ශිෂ්‍යාවන් පුහුණු කිරීම.

(iv) සදාචාර සම්පන්න යහපත් සිතුවිලි වලින් යුත් සමාජ සුභ සිද්ධියක් ඇති කිරීම.

(v) බෞද්ධ ආගමේ උන්නතිය හා අභිවෘද්ධිය වෙනුවන් කටයුතු කිරීම.

 (vi) බොදු සිසුන්ගේ අයිතිවාසිකම් හා වරප්‍රසාද ලබා ගැනීමට සාමුහිකව කටයුතු කිරීම.

(vii) බොදු සිසුන්ගේ අයිතිවාසිකම් හා වරප්‍රසාද ලබා ගැනීමට සාමූහිකව් කටයුතු කිරීම හා ජාත්‍යන්තර බෞද්ධ

ශිෂ්‍ය සංවිධානයක් පිහිටුවා ඒ මගින් ජාතීන් අතර. වඩාත් යහපත් ආගමික අවබෝධයක් ඇති කිරීම.

3 විකාශනය

 

1957 අධ්‍යාපන අමාත්‍යංශය නිකුත් කළ ඒ/ ආර්/ සී. එෆ් 96 දරණ චක්‍ර ලේඛනය (1957 ජනවාරි

02 දිනැති) අනුව ලංකාවේ සියලු පාසල් තුළ බෞද්ධ සංගම් පිහිටුවා ඒවා සම්ම්මේලනයට

අනුයුක්ත කරන ලදි.

 

1960 ප්‍රථම ශාඛාව බස්නාහිර පලාතේ හේනේගම මධ්‍ය මහා විද්‍යාලයේ ද, ප්‍රථම දිස්ත්‍රික් ශාඛාව ගාල්ල විජයානන්ද පිරිවෙනෙහි ආරම්භ විය. අනතුරුව පානදුර සුමංග බාලිකාවේ. කෑගල්ල, ඇහැලියගොඩ, මතුගම, මහනුවර, මොනරාගල. කුරුණෑගල ශාඛා සමිති පිහිටුවනු ලැබීය.  

 

1975 බොදු සිසු සමුළුවේ හිටපු පුරෝගාමී නායකයෙකු හා එවකට රජයේ මන්ත්‍රීවරයෙකු වූ

ගරු ලක්ෂ්මන් ජයකොඩි මැතිතුමා විසින් ඉදිරිපත් කළ 1975 අංක 44 දරණ පාර්ලිමේන්තු

පනතින් සංස්ථාපිත ආයතනයක් බවට පත් විය.

 

1977 අංක 242 දරණ ගැසට් නිවේදනය මගින් ආදායම් බද්දෙන් නිදහස් පුණ්‍යායතනයක් බවට

පත් විය.

 

1983 බොදු සිසු සමුළුවේ ප්‍රාදේශීය ශාඛා ලෙසින් රෝහල් හා ප්‍රජා සුව සේවා ඒකක නිළ

වශයෙන් ආරම්භ කරන ලදි. (මීට අදාළව සෞඛ්‍ය අමාත්‍යංශය මගින් 1988.07.22 දින

එම්/කිව් 50/82 චක්‍ර ලේඛනය නිකුත් කරන ලදි.) කොළඹ රිජ්වේ ආර්යා

ළමා රෝහල, කොළඹ නයනාරෝග්‍ය ශාලාව, මුල්ලේරියාව මානසික රෝහල, දකුණු

කොළඹ මහ රෝහල (කළුබෝවිල ) පිළිකා රෝහල - මහරගම, උතුරු කොළඹ මහ රෝහල (රාගම), රාජගිරිය ආයුර්වේද මහ රෝහල

 

1993 අංක 01 දරණ රාජ්‍ය නොවන සංවිධාන ලියාපදිංචි කිරීමේ පලි.ප. අංක 0114 යටතේ බොදු සිසු සමුළුව ලියාපදිංචි කරන ලදි.

 

 4 වැදගත් අවස්ථා

 

(අ) 1957 දී ඉතිහාසයේ විශේෂ සිදුවීමක් ලෙස ලංකාවට පැමිණි ඉන්දීය අග්‍රාමාත්‍ය ගරු ජවහල්ලාල් නේරු මහතා බොදු සිසු සමුළුව විසින් කොළඹ විශ්ව විද්‍යාල පිටියේ සංවිධානය කළ රැලියට සම්භන්ධ විය. (මෙය එකල පැවති

විශාලතම ශිෂ්‍ය රැළිය විය.)

(ආ ) 1981 වර්ෂයේ දී සමුළුව සිය රජත ජයන්තිය සමරනු ලැබූ අතර සමරු මුද්දරයක් හා මුල් දින කවරයක් තැපැල්

දෙපාර්ථමේන්තුව මගින් නිකුත් කරන ලදි. එම වසරේ පවත්වනු ලැබූ රජත ජයන්ති බොදු සිසු දිනය (ජූලි 19)

සමරු උත්සවයට ශ්‍රී ලංකාවේ ප්‍රථම විධායක ජනාධිපති ගරු ජේ.ආර්. ජයවර්ධන මහතා සහභාගි විය.

(ඇ) 1990 වර්ෂයේ දී ජනාධිපතිතුමා යටතේ පත් කළ බුද්ධ ශාසන අමාත්‍ය උත්තරීතර මණ්ඩලයේ ගිහි ශිෂ්‍ය

අනුශාසක තනතුර සඳහා ලාංකික බොදු සිසු පරපුරේ එකම නායකයා වන බොදු සිසු සමුළුවේ ගරු ප්‍රධාන

සභාපති තුමා නිළ බලයෙන් පත් කරනු ලැබීම..

(ඈ) 1996 වර්ෂයේ දී 40 වන සංවත්සරය සමරමින් දිවයිනේ නන් දෙසින් පැමිණි බෞද්ධ ශිෂ්‍ය නායක නායිකාවන් දස දහසකගේ (10,000) සහභාගිත්වයෙන් ජූලි 19 දින සමරු පා ගමනක් හා රැලියක් පවත්වන ලදී.

(ඉ) 2002 - සමස්ත ලංකා ශාසනාරක්ෂක මණ්ඩලයෙහි නියෝජිතයන් වශයෙන් බොදු සිසු සමුළුවේ ප්‍රධාන සභාපති

හා ප්‍රධාන ලේකම් නිළ බලයෙන් පත් විය.

(ඊ) සමුළුව සිය 50 වියට පා තැබූ 2006 ජූලි 19 වන දින අතිපුජනීය මහ සඟරුවනගේත බොදු සිසු සමුළුවේ ගරු

ප්‍රධාන සභාපතිතුමාගේ ප්‍රධානත්වයෙන් දිවයිනේ නන්දෙසින් පැමිණි බෞද්ධ නායක කාරකාදීන්ගේත් සමුළුවේ පාලක සභා සහ යාවජීව සාමාජිකයින්ගේත් බොදු සිසු ප්‍රජාවගේ සහභාගීත්වයෙන් බණ්ඩාරනායක ජාත්‍යන්තර අනුස්මරණ සම්මන්ත්‍රණ ශාලාවේදි උත්සවාකාරයෙන් පැවැත්විනි. මෙහි මුලසුන ශ්‍රී ලංකා අමරපුර මහා සංඝ සභාවේ උත්තරිතර මහානායක ධුරංදර අතිපූජ්‍ය දවුල්දන ඥාණිස්සර මහනායක ස්වාමීන් වහන්සේ විසින් හොබවන ලද අතර ප්‍රධාන ආරාධිතයා ලෙස ජනාධිපති ගරු මයින්ද රාජපක්ෂ මහාතා නියෝජනය කරමින් අධ්‍යාපන අමාත්‍ය ගරු සුසිල ප්‍රේම්ජයන්ති මහතා සහභාගී විය.

(උ) 1958 සමුළු ප්‍රකාශනය ලෙස  ධම්ම ජයන්ති පුවත්පත ප්‍රකාශනය ආර්මභ විය.

1959 එවකට විද්‍යාව සිංහලෙන් ඉගෙන්වීමේ කතිකාව පදනම් කර ගනිමින් 1959 දී විදු අරුණ දිවයිනේ ප්‍රථම සිංහල විද්‍ය සඟරාව මුද්‍රණය කිරීම සිසු සමුළුව විසින් ආරම්භ කරන ලදී.

 

5 සමුළු ව්‍යාපෘති

ආර්ථික අපහසුතාවන් හේතුවෙන් අ.පො.ස. (සා/පෙළ) දී පාසල් හැර යන්නන්ට විශ්ව විද්‍යාල අත්වැලක් සපයන සරසවි පිවිසුම් පෙළ ශිෂ්‍යත්ව ප්‍රදානය.

පාසල්, දහම් හා උසස් අධ්‍යාපන ආයතන අතර එතල් ප්‍රනාන්දු, නන්දා සේනානායක, එමමින් කුලසේකර,

දොස්තර ජේ. එෆ්. ජයසූරිය, දොස්තර කීර්ති රාජපක්ෂ අනුසුමරණ ශූරතාවන් සඳහා විවාද, සාමාන්‍ය දැනීම තරඟ. අන්තර් පාඨශාලීය කථික, ධර්ම විඤ්ඤාණ, පද්‍ය ගායනා සහ නාට්‍ය තරඟ.

සෑම වසරකම ජුලි 19 දින බෞද්ධ ශිෂ්‍ය දිනය සැමරීම.

බොදු හැඟුම් චිත්‍ර හා ඡායාරූප තරග/ ප්‍රදර්ශන සහ කලා උලෙළ.

අධ්‍යාපනික සම්මන්ත්‍රණ, නායකත්ව පුහුණු කඳවුරු, ප්‍රථමාධාර හා සෞඛ්‍ය කඳවුරු පැවැත්වීම.

ශීල ව්‍යාපාර, පිරිත් පිංකම්, ශ්‍රමදාන හා බෝධි පූජා සංවිධානය.

පාසල් හා දහම් පාසල්හි බෞද්ධ සංගම් පිහිටුවා ඒවා ඒකාබද්ධ කොට මාණ්ඩලික හා දිස්ත්‍රික් ශාඛා පිහිටු වීම,

 හා පවත්වා ගෙන යාම. ප්‍රතිසංවිධානය.

පාසල් සිසුන්ට පුස්තකාල, ක්‍රීඩා පහසුකම් හා ශිෂ්‍ය සුභසාධනය.

බුදු දහමේ ප්‍රගමනයට සේවයක් කළා වූ ශ්‍රී ලාංකිකයන් අගයමින් සහ ශිෂ්‍ය මට්ටමේ ආධුනික කලා ශිල්පීන්ගේ කැපවීම හා කුසලතාවය ඇගයීම පිණිස බොදු සිසු ප්‍රසාද ප්‍රණාම¨ සම්මාණ ප්‍රදානය.

දිවයින පුරා රෝහල් රාශියක රෝහල් හා ප්‍රජා සුවසේවා ඒකක පිහිටුවා එමගින් අසරණ රෝගීන්ගේ කායික හා

මානසික සුවය උදෙසා කටයුතු කිරීම.

ධම්ම ජයන්ති ජාතික ශිෂ්‍ය පුවත්පත එළිදැක්වීම.   

සමස්ත ලංකා

බෞද්ධ ශිෂ්‍ය සමිති සම්මේලනය

රෝහල් හා ප්‍රජා සෞඛ්‍ය සේවය

 

1. ව්‍යාපෘති පරමාර්ථ:

(අ) ආගමික හා සමාජ සේවා ක්ෂේත්‍රයෙන් රටට වැඩදායක සේවයක් සැලසීමට බෞද්ධ ශිෂ්‍යයන් හා ශිෂ්‍යාවන් පුහුණු කිරීම.

(ආ) බෞද්ධ ශිෂ්‍යයන් අතර අන්‍යෝන්‍ය අවබෝධය හා සහයෝගය වඩාලිම්

(ඇ) බෞද්ධ ශිෂ්‍යයන්ගේ සදාචාර, සංස්කෘතික හා සමාජ සුභසිද්ධිය වඩාලීම

 

2. ව්‍යාපෘති අරමුණු:

(1) ශිෂ්‍ය පරපුර වෙත බුද්ධ දේශනාවේ ද දැක්වෙන පරිදි ගිලානෝපස්ථානයේ වැදගත්කම් අවබෝධ කරවීම, ක්‍රමවත් සෞඛ්‍ය අධ්‍යාපනයක් සහ ප්‍රායෝගික පුහුණුවක් මගින් ඔවුනට ඒ සඳහා නිපුණත්වයක් ලබාදීම

සහ ඔවුනට ගිලානෝපස්ථානයට අවස්ථාවක් ලබාදීම.

(2) රජයේ රෝහල්වල ප්‍රතිකාර ලබන ළමා හා තරුණ රෝගීන් ප්‍රමුඛ සියළු රෝගීන්ගේ යහපත පිණිස.

( 3 ) එම රෝහල් කාර්ය මණ්ඩලය මගින් ඉටු කරනු ලබන සේවාවන් පහසු කිරීමටත්, ඒවා වැඩි දියුණු කිරීමටත්, සුහදව ඔවුන් වෙත සහයවීමි. ඔවුන්ගේ බාහිර ක්‍රියාකාරකම් සඳහා සහය වීම් සහ ඔවුන්ගේ විනෝදය පිණිස වැඩ සටහන් සංවිධානය කිරිම.

( 4 ) රෝහල තුල ආගමික වතාවත් සහ බෞද්ධ වැඩ සටහන් සංවිධානය කිරීම තුළින් රෝගීනට අධ්‍යාත්මික සහනයක් ළඟා කර දීමි.

( 5 ) රෝගීන් සඳහා අවශ්‍ය ද්‍රව්‍ය සපයාදීම්, රෝගින්ගේ මානසික සුවසෙත උදෙසා වන කටයුතු ඉටු කිරීම හා උපකාර රහිත රෝගීන් සඳහා හැකි සියළුම උපකාරයන් සැලසීම.

(6) රෝහල හා ඒ අවට ජනතාව අතර සුහද සබැඳියාවක් ගොඩ නැගිමි.

( 7 ) රෝහල අවට ජනතාවට පවුල් සෞඛ්‍ය, ප්‍රාථමික සෞඛ්‍ය සේවා සැපයීම්.

( 8 ) රෝහල අවට අධ්‍යාපන ආයතන මගින් නම් කරනු ලබන ශිෂ්‍ය ශිෂයාවන් ආගමික භේදයෙන් තොරව රෝහල වෙත ඒකරාශි කොට ඔවුන්ගේ අතිරික්ත කාලය සැලසුම් කොට යොමු කිරීම.

 ( 9 ) එම ශිෂ්‍ය ශිෂ්‍යාවන් මගින් එම අධ්‍යාපන ආයතන වල හා ඒ ආයතනවල ස්වේච්ඡා සංවිධානයන්හි පූර්ණ අනුග්‍රහය, සහයෝගය රෝහලට් ලබාදීම.

(10) එම ශිෂ්‍ය ශිෂ්‍යාවන්ගේ පිරිස් මෙහෙය වීමේ හැකියාව හා නායකත්ව කුසලතාවය වර්ධනය කිරීම.

 

3. ව්‍යාපෘති ක්‍රියාකාරකම්:

[1] වාට්ටු සේවය

(2) රෝහල් සේවය (අවම වශයෙන් සතියකට පැය 5 ක් පමණ )

[3] සෞඛ්‍ය අධ්‍යයන පාඨමාලාව

[4] තරුණ නායකත්ව පාඨමාලාව

[5] ප්‍රජා සෞඛ්‍ය සේවය

   

 

 

 

ආයුර්වේද රෝහල් සේවය

 

යුර්වේද රෝහල් සේවය පිළිබදව දේශීය වෙද ඇමති ගරු වි ජ මු ලොකුබණ්ඩාර මහතා මුණ ගැසුණු අවස්‍ථාවේ දී උපසභාපති ප්‍රියන්ත අමුණුගම සොයුරා කළ ආයාචනාත්මක ඉල්ලීම මත තමයි මේ කාමරය ලැබුණේ

ඒ අවස්ථාවට ප්‍රධාන සභාපති රෝහිත පුෂ්පකුමාර, උපසභාපති  නෙවිල් සී අබේසිංහ සහභාගි උනා

අමුණුගමගේ මේ සුවිශේෂී හැකියාව අවස්ථා කීපයක දී සමුළුවට ප්‍රථිලාභ ලබා දී තියනවා

On Tue, Sep 30, 2025, 07:00 Nadeekantha Deepaka Wickramasinghe <nadeekanthadeepaka@gmail.com> wrote:

[9/29, 20:37] Fed Saman: සමස්ත ලංකා බෞද්ධ ශිෂ්‍ය සමිති සම්මේලනය මගින්,

1984 ආරම්භ කරන්නට යෙදුණු *ආයුර්වේද රෝහල් සේවාව* එවකට සම්මේලනයේ උප සභාපති නෙවිල් අබේසිංහ සොයුරා ප්‍රමුඛ  කණ්ඩායම විසින් ආරම්භ කරන ලදී.

එදා රෝහල් සේවාව වෙත පැරැණි වාට්ටුවක් ප්‍රතිසංස්කරණය කර කාර්යාලය සදහා පාවිච්චි කිරීමට රෝහල් පරිපාලනය විසින් ලබා දෙන ලදුව ඒ සඳහා පැවති ශ්‍රමදානයේ දී නෙවිල් අයියා සහ අප සැම විසින් එම කටයුතු සිදු කරනු ලැබූ අයුරු...

( නෙවිල් අයියා විසින් නොබෝදා එවනු ලැබූ ඡායාරූපයකි)

[9/29, 20:41] Fed Priyantha Chandani: මෙතන එක මල්ලි කෙනෙක් ගේ නම සමන් ඉන්ද්‍රජිත් වගේමට මතකයි

[9/29, 20:44] Fed Saman: ඔව්,

පසු කලෙක රෝහල් සේවා උපලේකම් වුණා.

මම හිතන්නෙ ඔහු අද වනවිට ජීවතුන් අතර නැහැ

[9/29, 21:00] Fed Priyani Rajakaruna: 

[9/29, 21:00] Fed Priyantha Chandani: අපි කට්ටිය හොයා ගන්නකොට සමහර ජීවතුන් අතරත් නැහැ. කාලය කොච්චර ලොකු වෙනසක් කරලා තියෙනවද නේද?

[9/29, 22:46] Fed Nevelle: අතීතයේදී කොතරම් භාරදූර සහ ජීවත වගකීම්ද අතැතිව කල කැපකිරීම් ගැන හිතනකොට හිතට දැනෙන ධහිර්‍ය මෙතැකැයි කියා නිම කිරීමට අපහසුයි.

9/30, 07:18] Nadeekantha Deepaka: 

මේ කාමරයේ වත්මන් ජායාරූපයක් මම පසුගිය දිනක පළ කළා

[9/30, 09:00] Fed Jagath Liyanage: මා අද ඉන්න තැනට මාව ගොඩනඟපු මේ රෝහල් සුවසේවාවේ ආරම්භක සාමාජිකයෙක් වෙන්නට ලැබීම අතිශය සතුටට කරුණක්...එය ගොඩනගන්නට දායක ඔබට මගේ ප්‍රණාමය

 

බොදු සිසු සමුළුව සහ රෝහල් සේවා

 

1998 බොදු සිසු ප්‍රණාම සමරුව

 

1991 කලා උලෙළ සමරුව